ਤਾਜਾ ਖਬਰਾਂ
ਏਸ਼ੀਅਨ ਗੇਮਜ਼ 2026 ਦੇ ਪੁਰਸ਼ ਕ੍ਰਿਕਟ ਦੇ ਦੂਜੇ ਸੈਮੀਫਾਈਨਲ ਵਿੱਚ ਭਾਰਤੀ ਟੀਮ ਨੇ ਇਤਿਹਾਸ ਰਚਦਿਆਂ ਸ਼੍ਰੀਲੰਕਾ ਨੂੰ 124 ਦੌੜਾਂ ਦੇ ਵੱਡੇ ਫਰਕ ਨਾਲ ਮਾਤ ਦੇ ਕੇ ਫਾਈਨਲ ਦਾ ਟਿਕਟ ਪੱਕਾ ਕਰ ਲਿਆ ਹੈ। ਇਸ ਸ਼ਾਨਦਾਰ ਜਿੱਤ ਦੇ ਨਾਲ ਹੀ ਟੀਮ ਇੰਡੀਆ ਹੁਣ ਗੋਲਡ ਮੈਡਲ ਜਿੱਤਣ ਤੋਂ ਮਹਿਜ਼ ਇੱਕ ਕਦਮ ਦੂਰ ਹੈ।
ਮੈਚ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤ ਨੇ ਸ਼੍ਰੀਲੰਕਾ ਸਾਹਮਣੇ 170 ਦੌੜਾਂ ਦਾ ਮਜ਼ਬੂਤ ਲਕਸ਼ ਰੱਖਿਆ ਸੀ। ਜਵਾਬ ਵਿੱਚ ਉੱਤਰੀ ਸ਼੍ਰੀਲੰਕਾਈ ਟੀਮ ਭਾਰਤੀ ਗੇਂਦਬਾਜ਼ਾਂ ਦੇ ਘਾਤਕ ਹਮਲੇ ਅੱਗੇ ਗੋਡੇ ਟੇਕ ਗਈ ਅਤੇ ਪੂਰੀ ਟੀਮ ਮਹਿਜ਼ 45 ਦੌੜਾਂ 'ਤੇ ਹੀ ਸਿਮਟ ਗਈ।
ਸ਼੍ਰੀਲੰਕਾ ਦਾ ਸਭ ਤੋਂ ਘੱਟ ਸਕੋਰ: 45 ਦੌੜਾਂ T20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸ਼੍ਰੀਲੰਕਾ ਦਾ ਹੁਣ ਤੱਕ ਦਾ ਸਭ ਤੋਂ ਘੱਟ ਸਕੋਰ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਸਭ ਤੋਂ ਘੱਟ ਸਕੋਰ 77 ਦੌੜਾਂ ਸੀ, ਜੋ ਜੂਨ 2024 ਵਿੱਚ ਨਿਊਯਾਰਕ 'ਚ ਦੱਖਣੀ ਅਫਰੀਕਾ ਖ਼ਿਲਾਫ਼ ਬਣਿਆ ਸੀ।
ਭਾਰਤ ਦੀ ਸਭ ਤੋਂ ਵੱਡੀ ਜਿੱਤ: ਦੌੜਾਂ ਦੇ ਲਿਹਾਜ਼ ਨਾਲ ਸ਼੍ਰੀਲੰਕਾ ਖ਼ਿਲਾਫ਼ T20I 'ਚ ਭਾਰਤ ਦੀ ਇਹ ਹੁਣ ਤੱਕ ਦੀ ਸਭ ਤੋਂ ਵੱਡੀ ਜਿੱਤ (124 ਦੌੜਾਂ) ਹੈ। ਇਸ ਤੋਂ ਪਹਿਲਾਂ ਭਾਰਤ ਨੇ 2017 ਵਿੱਚ ਕਟਕ ਵਿਖੇ ਸ਼੍ਰੀਲੰਕਾ ਖ਼ਿਲਾਫ਼ ਸਭ ਤੋਂ ਵੱਡੀ ਜਿੱਤ ਦਰਜ ਕੀਤੀ ਸੀ।
ਹੁਣ ਗੋਲਡ ਮੈਡਲ ਲਈ ਖੇਡੇ ਜਾਣ ਵਾਲੇ ਫਾਈਨਲ ਮੈਚ ਵਿੱਚ ਭਾਰਤ ਦਾ ਸਾਹਮਣਾ ਚਿਰ-ਪ੍ਰਤੀਦਵੰਦੀ ਪਾਕਿਸਤਾਨ ਨਾਲ ਹੋਵੇਗਾ। ਪਹਿਲੇ ਸੈਮੀਫਾਈਨਲ ਵਿੱਚ ਬੰਗਲਾਦੇਸ਼ ਨੂੰ ਹਰਾ ਕੇ ਪਾਕਿਸਤਾਨ ਨੇ ਪਹਿਲੀ ਵਾਰ ਏਸ਼ੀਅਨ ਗੇਮਜ਼ ਦੇ ਪੁਰਸ਼ ਕ੍ਰਿਕਟ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ ਹੈ। ਦੂਜੇ ਪਾਸੇ, ਮੌਜੂਦਾ ਚੈਂਪੀਅਨ ਭਾਰਤੀ ਟੀਮ ਮੈਦਾਨ 'ਚ ਆਪਣਾ ਗੋਲਡ ਮੈਡਲ ਬਚਾਉਣ (ਡਿਫੈਂਡ ਕਰਨ) ਦੇ ਇਰਾਦੇ ਨਾਲ ਉੱਤਰੇਗੀ।
Get all latest content delivered to your email a few times a month.
